26. desember

Ég er feginn að ég er í AA-samtökunum, þessum stórkostlega félagsskap, sem nær um víða veröld. Ég er bara einn af fjölda AA-manna, en ég er einn í þeirra hópi. Ég er feginn að vera uppi nú á tímum, þegar ég get lagt útbreiðslu AA-samtakanna lið, þegar þau þurfa á mér að halda til að leggja hönd á plóginn við að halda starfseminni gangandi. Ég er feginn að ég get verið til gagns, að ég hef eitthvað til að lifa fyrir og markmið í lífinu. Ég vil fórna lífi mínu í þetta merka málefni og njóta þess þannig á ný. Er ég þakklátur fyrir að vera AA-félagi?

Þessar hugleiðingar geta kennt okkur að slaka á. Við getum komið öðrum að gagni þótt í smáu sé. Og verið glöð á meðan. Við skulum ekki hafa of miklar áhyggjur af þeim sem við getum ekkert hjálpað. Við getum lagt það í vana okkar að láta æðri mátt ráða árangri okkar. Við getum lifað lífinu þannig að við gerum okkar besta, án þess að finna til væntingar eða álags. Við getum notið alls hins góða og fagra í lífinu, en á sama tíma lagt allt okkar traust á Guð.